सांगली : मदनी चॅरिटेबल ट्रस्ट, सांगली व आयजीसी फोरम, पुणे यांच्या संयुक्त विद्यमाने मुस्लिम अल्पसंख्याक गुणवंत विद्यार्थ्यांसाठी राबविण्यात येणाऱ्या 'मेरिट फेलोशिप योजना २०२६-२७' चा प्रारंभ मान्यवरांच्या उपस्थितीत करण्यात आला. कार्यक्रमाच्या अध्यक्षस्थानी प्रा. डॉ. के. जी. पठाण होते. प्रमुख पाहुणे म्हणून फैज इनामदार (सोलापूर) व हाजी मुनाफ नदाफ (तासगाव) उपस्थित होते. उद्घाटन ब्रिगेडियर (एव्हीएसएम) एन. एम. नदाफ यांच्याहस्ते झाले. पहिल्या सत्रात व्हीईएस मुंबईचे संस्थापक अजय देवकर यांनी 'पालकांनो जाणकार व जबाबदार बना' या विषयावर मार्गदर्शन केले. तर दुसऱ्या सत्रात अनिस डिफेन्स करिअर इन्स्टिट्यूटचे संचालक अनीस कुरेशी यांनी स्पर्धा परीक्षा व करिअर संधींबाबत माहिती दिली. योजनेअंतर्गत ८ व ९ जून रोजी 'दहावीनंतरचे शैक्षणिक प्रवेश मार्ग' या विषयावर मार्गदर्शन सत्रांचे आयोजन करण्यात आले आहे. गुणवंत विद्यार्थ्यांना शैक्षणिक प्रोत्साहन व करिअर मार्गदर्शन देणारा हा उपक्रम असल्याचे आयोजकांनी सांगितले. याप्रसंगी ट्रस्टचे अध्यक्ष हाफिज सद्दाम सय्यद, सुफियान पठाण, सचिन कोळी आदींसह अन्य उपस्थित होते.