नशेची ८५ इंजेक्शन्स जप्त : बलगवडे येथील दोघांना अटक

 

तासगाव : बलगवडे (ता. तासगाव) येथे नशेसाठी वापरल्या जाणाऱ्या ८५ इंजेक्शनचा साठा तासगाव पोलिसांनी छापा टाकून जप्त केला. या प्रकरणी दोघांना पोलिसांनी अटक केली असून त्यांच्यावर गुन्हे दाखल करण्यात आले आहेत. पोलिस कॉन्स्टेबल विठ्ठल श्रीकांत सानप यांनी या प्रकरणी तासगाव पोलिस ठाण्यात फिर्याद दिली आहे.

नागेश अरविंद औताडे (वय २१, रा. बलगवडे) व समीर अजमद मुलाणी (वय २४, रा. बस स्थानकाजवळ, बलगवडे) अशी अटक केलेल्या संशयितांची नावे आहेत. बलगवडे परिसरात नशेच्या इंजेक्शनची बेकायदेशीर विक्री होत असल्याची गोपनीय माहिती एका पोलिस कर्मचाऱ्याला मिळाली होती. त्याने तातडीने याची कल्पना वरिष्ठांना दिली. त्यानुसार पोलिसांनी बलगवडे ते मांजर्डे रस्त्यावर संशयित नागेश औताडे याच्या पत्र्याच्या व जाळीच्या शेडवर बुधवारी रात्री उशिरा छापा टाकला.

या छाप्यात शेडमध्ये लपवून ठेवलेली मेफेनटरमाईन सल्फेट या घातक औषधाची ८५ इंजेक्शन्स आढळून आली. बाजारभावानुसार या इंजेक्शनची किंमत ४३५ रुपये असून, पोलिसांनी एकूण ३७ हजार १७ रुपयांचा मुद्देमाल जप्त केला. या बेकायदेशीर व्यवसायात मुख्य संशयित नागेशला समीर मुलाणी हा मदत करत असल्याचे निष्पन्न झाल्याने पोलिसांनी

तासगाव : बलगवडे येथे नशेच्या इंजेक्शनचा साठा जप्त करून पोलिसांनी संशयितास अटक केली. (छाया : विठ्ठल चव्हाण)

दोघांनाही ताब्यात घेतले. केवळ आर्थिक फायद्यासाठी हा साठा आणल्याची कबुली संशयितांनी दिली. ही इंजेक्शन्स त्यांनी कोठून आणली, याचा पोलिस शोध घेत आहेत. पोलिस करतात तरी काय ?

नशेसाठी सर्रास वापरली जाणारी ही धोकादायक इंजेक्शन्स बलगवडेसारख्या ग्रामीण भागात मोठ्या प्रमाणात सापडल्याने

काय आहे मेफेनटरमाईन ?

मेफेनटरमाईन सल्फेट हे मूलतः रक्तदाब (लो बीपी) अत्यंत कमी झालेल्या रुग्णांसाठी किंवा शस्त्रक्रियेदरम्यान रक्तदाब नियंत्रित ठेवण्यासाठी वापरले जाणारे एक कृत्रिम औषध आहे. मात्र, मध्यवर्ती मज्जासंस्थेला उत्तेजित करण्याच्या गुणधर्मामुळे अनेक तरुण आणि जिममध्ये जाणारे युवक याचा गैरवापर नशा करण्यासाठी किंवा स्नायू वाढवण्यासाठी करतात. डॉक्टरांच्या चिठ्ठीशिवाय याची विक्री करणे कायद्याने गुन्हा आहे.

थेट हृदयावर होतो आघात

या इंजेक्शनच्या अतिवापरामुळे किंवा नशेसाठी केलेल्या गैरवापरामुळे हृदयाचे ठोके अनियंत्रित होतात आणि रक्तदाब अचानक प्रचंड वाढतो. यामुळे हृदयविकाराचा झटका येणे, मेंदूतील रक्तवाहिनी फुटणे (ब्रेन हॅमरेज), किडनी निकामी होणे आणि मानसिक नैराश्य येण्याचा मोठा धोका असतो. याच्या नियमित सेवनाने शरीराला त्याचे व्यसन जडते, जे पुढे जाऊन जीवघेणे ठरू शकते.

तासगाव तालुक्यात खळबळ उडाली आहे. गेल्या काही दिवसांपासून तालुक्यात अवैध धंद्यांवरून उलटसुलट चर्चा सुरू असतानाच ही कारवाई झाली. बलगवडे हे राज्य मार्गावर असलेले मोठे गाव असल्याने येथे दारू, गांजा

आणि नशेच्या अशा इंजेक्शनची खुलेआम विक्री सुरू असल्याचा आरोप होत आहे. यामुळे स्थानिक पोलिसांचे या अवैध धंद्यांकडे दुर्लक्ष होते की काय, असा गंभीर प्रश्न आता नागरिक उपस्थित करत आहेत.