न्यूजप्रिंटच्या तुटवड्याबद्दल आयएनएसकडून चिंता व्यक्त

 

नवी दिल्ली : देशात न्यूजप्रिंटच्या (वृत्तपत्राचा छपाई कागद) तुटवड्याबद्दल इंडियन न्यूजपेपर सोसायटी म्हणजेच आयएनएसने गंभीर चिंता व्यक्त केली असून मागणी आणि पुरवठा यांतील तफावतीमुळे प्रकाशकांना आयातीवर अवलंबून राहावे लागत असल्याचे म्हटले आहे.
भारताचा वार्षिक न्यूजप्रिंटचा वापर अंदाजे १.२ दशलक्ष टन आहे, तर देशांतर्गत उत्पादन ०.५ दशलक्ष टनांपेक्षा जास्त झाले आहे. परिणामी भारतीय गिरण्या सध्या एकूण मागणीच्या केवळ ४० टक्के भाग पूर्ण करू शकतात, जे उद्योगातील एक मोठे पोकळणे अधोरेखित करते, असे इंडियन न्यूजपेपर सोसायटीने निवेदनात म्हटले आहे. मागणी आणि पुरवठ्यातील ही तफावत दोन दशकांहून अधिक काळापासून कायम असून न्यूजप्रिंट उत्पादन क्षमतेत सुधारणा झालेली नाही. प्रामुख्याने वृत्तपत्र प्रकाशकांना अखंड पुरवठा आणि वितरण निश्चित करण्यासाठी आयातीवर अवलंबून राहावे लागत असल्याचेही आयएनएसने निवेदनात म्हटले आहे.